A Asociación de Empresarios de Ribeira (AER) vai acompañar o remate das vacacións e a volta aos estudos dunha nova campaña destinada a facilitar ás familias o inicio da costa arriba do mes de setembro. Así, a campaña Volta ao Cole virá con 500 euros en vales de compra e lotes de material escolar. Ademais, haberá cinco premios extra para familias numerosas (para compras superiores a 10 euros). As persoas interesadas en entrar no sorteo deben rexistrar os seus tíckets de compra na páxina web da asociación ou mediante o código QR do cartel. A campaña desenvolverase do 4 de setembro ao 21 do mesmo mes, sendo o 22 o día do sorteo. A campaña está co-financiada pola Xunta de Galicia.
