A circulación de compoñente oeste manterase durante esta xornada do venres 29, Santa Sabina, o que traerá consigo unha masa de aire morno pero húmido.
Con esta situación, agárdanse ceos nubrados e precipitacións febles, máis probables nas provincias atlánticas, aínda que de xeito ocasional tamén poderían chegar a puntos illados de Ourense e Lugo.
As temperaturas experimentarán un lixeiro ascenso, mentres que os ventos soprarán do oeste, en xeral frouxos, con intensidade moderada e intervalos fortes no litoral norte.
O noso mar: Vento do sudoeste, forza 2 a 3 á mañá e 1 a 3 á tarde e á noite. Mar ovellado. Visibilidade boa. Mar de fondo do noroeste, con ondas de 1.5 a 2.5 metros.
