A xornada do venres, festividade da Asunción da Virxe María, presentarase cunha situación meteorolóxica pouco definida, marcada por unha baixa relativa ao oeste de Galicia que favorecerá a circulación de ventos do sur e a chegada de humidade dende o Atlántico.
Nas Rías Baixas e na área de Santiago, agárdanse ceos pouco nubrados ou despexados, aínda que poderán aparecer brétemas costeiras, máis persistentes a primeiras e últimas horas do día.
As temperaturas experimentarán un descenso moderado nas Rías Baixas, mentres que en Santiago se manterán sen cambios respecto a xornadas anteriores. O vento soprará de compoñente sur, en xeral frouxo, con intervalos moderados en zonas altas.
O noso mar; Vento do sudoeste á mañá e á tarde e do noroeste á noite, forza 2 a 4 á mañá e 1 a 2 á tarde e á noite. Mar ovellado á mañá e mar rizado á tarde e á noite. Visibilidade regular á mañá e á tarde e mala á noite. Mar de fondo do noroeste, con ondas de 0 a 1 metros á mañá, 0.5 a 1 metros á tarde e 0.5 a 1.5 metros á noite.
