O concelleiro de Cultura de Noia, José Pérez, vén de compartir nas redes o programa principal das Festas de San Bartolomeu 2025. Haberá actuacións musicais para tódolos públicos, orquestras e música DJ a cargo de Disco Móbil Chocolate.
O pregón deste ano virá da man da Banda de Música de Noia, que celebra os seus 135 anos de historia. Celebrarase o venres 22 na Alameda. Logo do pregón haberá concerto de La Oca no mesmo emprazamento (Alameda) un concerto de estilo rock latino a partir das 23.30 horas (pendente de confirmar).
O sábado 23 de agosto os protagonistas serán Óscar Ibañez & Tibo (na praza do Tapal a partir das 21.30 horas) e a Orquestra París de Noia (na Alameda ás 22.30 horas).
O domingo 24 de agosto, Día de San Bartolomeu, a música virá da man da Orquestra Tubo (na Alameda ás 21.00 horas) e dos muradáns The Rapants (no Tapal a partir das 22.00 horas).
O luns 25 de agosto, Día de San Lois, actuarán a Orquestra Combo Dominicano (na Alameda ás 21.30 horas) e Disco Móbil Chocolate (na Alameda ás 23.30 horas).
O martes 26 a vertente musical virá da man de A Misela (ás 21.00 horas no Curro) e da Orquestra Marbella (ás 22h na Alameda). Ás 0.00 será a quenda dos fogos artificiais, dende o peirao do Marqués.
O venres 29 de agosto celebrarase o Entroido de Verán e o domingo 31 a Escola de Danza Oitos representará o espectáculo As Portas do Mar (ás 20.00 horas no Coliseo Noela).
