Bealo celebra entre o 29 de agosto e o 7 de setembro as súas festas de San Ramón coa tradicional romaría con máis de 260 anos de historia. A concelleira de Cultura, María Outeiral, participou este luns 25 de agosto na presentación do programa das festas xunto con Alexandra Bermúdez e Ismael Rial, membros da comisión de festas.
As actividades comezan o venres 29 co San Ramón Fest que contará cos DJ Marcos Kintana e disco móbil Pirámide XL. Xa o sábado 30 celebrarase a subida dos santos da Igrexa a San Ramón ás 12.00 horas e misa na honra de San Gregorio. Pola noite verbena con Kalima, disco móbil Pirámide XL e DJ Marcos Kintana e DJ Tito Maverick.
O domingo será o día grande de San Ramón coa romaría popular. Haberá misas rezadas dende as 9 da mañá ata as 13.00 horas que terá lugar a misa cantada, e tamén unha sesión vermú coa orquestra Escaparate, e pola tarde baile tradicional don Abeloura e Xilbarbeira. Pola noite comezará a verbena con Escaparate e Alkar.
O programa das festas continúa o luns coa verbena a cargo de Alianza e Compostela; o martes con Trébol e JB Son e o mércores broche final con París de Noia e Unión y Fuerza. Como é habitual o programa de actividades de San Ramón remata o domingo 7 de setembro co San Ramonciño pequeno onde haberá polbo e viño a prezos populares, música tradicional e actividades para nenos e nenas.
A concelleira de Cultura, María Outeiral, agradeceu “o gran traballo que leva a cabo a comisión de festas para continuar con estes festexos que teñen máis de 260 anos de historia e son uns dos máis importantes do noso concello xa que despertan un gran sentimento en toda a veciñanza”.
Programa
Venres 29 de agosto
San Ramón Fest con DJ Marcos Kintana e disco móvil Pirámide XL
Sábado 30 de agosto
12.00h – Subida dos santos da Igrexa a San Ramón
12.30h – Misa cantada na horna de San Gregorio
21.00h – Novena e misa na honra de San Ramón
Verbena con Kalima, disco móvil Pirámide XL e DJ Marcos Kintana e DJ Tito Maverick
Domingo 31 de agosto
9, 10, 11 e 12h – Misas rezadas
13.00h – Misa cantada
Sesión vermú coa orquestra Escaparate
19.30h – Baile Abeloura e Xilbarbeira
Verbena con Escaparate e Alkar
Luns 1 de setembro
12.00h – Misa cantada
Verbena con Alianza e Compostela
Martes 2 de setembro
12.00h – Misa cantada
Verbena con Trébol e JB Son
Mércores 3 e agosto
12.00h – Misa cantada
Verbena con Paris de Noia e Unión y Fuerza
Domingo 7 e agosto
12.00h – Misa cantada
Grupo de gaitas
Polbo a prezos populares
16.00h – Actividades para nenos
