Galicia continuará este martes baixo a influencia das baixas presións do Atlántico norte, que traerán consigo a chegada dunha fronte fría ao final da xornada.
Pola mañá a nebulosidade será en aumento, con precipitacións febles e dispersas, que se irán facendo máis xeneralizadas durante a tarde e a noite.
As temperaturas experimentarán un lixeiro ascenso, mentres que os ventos soprarán do suroeste, con intervalos de moderado no litoral e tamén nas zonas altas do interior.
O noso mar: Vento do sur á mañá e á tarde e variable á noite, forza 2 a 4 á mañá, 4 a 5 á tarde e 3 a 4 á noite. Marusía á mañá e á noite e forte marusía á tarde. Visibilidade mala á mañá e á tarde e regular á noite. Mar de fondo do noroeste, con ondas de 1.5 a 2.5 metros.
