Este xoves, 14 de agosto, ás 11:30 horas, o Centro Cultural Lustres Rivas de Ribeira acollerá unha conferencia baixo o título “España na independencia dos Estados Unidos”. O relatorio será impartido polo doutor en Historia e Arqueoloxía Jorge Luis García, profesor na Texas Lutheran University e autor de diversas obras de investigación, entre elas Presidio. Soldiers of the King in New Mexico e Presidio. The Documented History of the Northern Frontier.
O acto organizado por la Asociación Cultural Héroes de Cavite en colaboración co Concello de Ribeira, pretende achegar ao público o papel, a miúdo pouco coñecido, que desempeñou España no proceso de independencia das Trece Colonias fronte á Coroa británica a finais do século XVIII. García abordará aspectos como o apoio militar e financeiro prestado por España, a participación de figuras clave como Bernardo de Gálvez e a influencia das rutas comerciais e dos territorios coloniais hispanos na vitoria final.
A entrada será gratuita e de carácter non lucrativo, con aforo limitado a 55 persoas. Segundo a organización, o obxectivo é que esta cita sexa accesible para todo tipo de público, sen necesidade de ter coñecementos previos especializados, favorecendo así a participación cidadá e a difusión dunha parte da historia internacional na que España xogou un papel decisivo.
