O Concello de Rianxo colabora coa recollida solidaria de medicamentos e material sanitario (medicación oral de uso común como paracetamol, ibuprofeno, amoxicilina, antiestamínicos ou vitaminas), inxectábel e pomadas que organiza a organización solidaria co pobo saharauí, SOGAPS.
Os lugares de recollida son a Casa do Concello, a piscina municipal, o CEP Brea Segade (en horario do campamento) e as farmacias de Rianxo.
As doazóns poderanse facer ata este venres, día 22. No caso de colaborar dun donativo, pódese facer o ingreso no número de conta IBAN ES48 2080 5056 1130 4006 3331.
Tamén se pode chamar ao número de teléfono 679 408 524 ou escribir ao enderezo electrónico sogaps.oficial@gmail.com para recibir máis información sobre a iniciativa.
