O vindeiro 30 de agosto celebrarase a tradicional romaría do Campamento Concilia Verán do Concello de Rianxo. O Concello informou que tendo en conta as previsión meteorolóxicas, a celebración trasladarase ao pavillón do CEIP Ana María Diéguez de Asados (sendo o emprazamento inicialmente previsto o campo de Santa Lucía). Dará comezo ás 12 horas e será unha cita familiar con xogos, obradoiros, inchábeis e actuacións. Ás 13.30 horas actuará Cé Orquestra Pantasma e pola tarde, ás 19.00 horas, será a quenda da agrupación de rock infantil Uxía Lambona e a Banda Molona.
