O Concello de Boiro colabora co CD Boiro na organización do Trofeo Carlos Muñiz, que terá lugar este sábado 23 de agosto no Campo Municipal de Barraña cun encontro entre o CD Boiro e o Pontevedra CF. O alcalde, José Ramón Romero, participou na presentación xunto co presidente do CD Boiro, Marcos Martínez, e Mariano Muñiz, familiar de Carlos Muñiz.
“Con este memorial queremos seguir poñendo en valor a figura de Carlos Muñiz, unha persoa que tivo moitísima vinculación co Club Deportivo Boiro”, afirmou Marcos Martínez.
Mariano Muñiz, en representación da familia, agradeceu a organización deste torneo “que é xa histórico e sempre levanta moita expectación. Carlos sempre estivo moi vinculado co CD Boiro e estamos moi agradecidos por que se siga recordando a súa figura”.
O alcalde convidou a toda a afección a achegarse o sábado ao Municipal de Barraña “a presenciar este encontro memorial que o CD Boiro mantén e que sempre é moi emotivo e moi importante para Boiro, no que imos a presenciar tamén bo fútbol entre o Boiro e o Pontevedra”.
