A chegada este martes dunha masa de aire húmida procedente do Océano Atlántico traerá un descenso xeneralizado das temperaturas en toda Galicia. A xornada comezará con ceos cubertos por nubes medias e altas, con momentos de alternancia de claros.
Pola tarde, agárdase o crecemento de nubes de evolución que poderían deixar chuvascos, nalgúns casos de carácter treboento, especialmente no interior da comunidade.
As temperaturas mínimas manteranse sen cambios, mentres que as máximas baixarán lixeiramente (29 graos). O vento soprará moderado de compoñente norte e será frouxo nas zonas interiores.
O noso mar: Vento do norte á mañá e do norte á tarde e á noite, forza 1 a 3 á mañá, 2 a 4 á tarde e 3 a 5 á noite. Mar ovellado á mañá e marusía á tarde e á noite. Visibilidade regular á mañá e á noite e boa á tarde. Mar de fondo do noroeste, con ondas de 1 a 2 metros.
