A conselleira do Mar, Marta Villaverde, participou esta fin de semana na XIV Festa do Mexillón de Rianxo, organizada pola Asociación Gastronómico-Cultural da Festa do Mexillón e o Club de Remo Rianxo, coa colaboración da Xunta de Galicia. O evento, que celebrou o sabor e a tradición mariñeira do mexillón galego, forma parte das accións promocionais incluídas na campaña Galicia Sabe Amar.
Villaverde destacou o valor económico e cultural do mexillón, cunha facturación de 128,6 millóns de euros en 2024, e o papel que xogos como este teñen na divulgación, educación e fomento do consumo responsable. Tamén puxo en valor a importancia da cadea mar-industria, desde os bateeiros ata a restauración.
No marco do seu compromiso co sector, a Consellería do Mar leva investido máis de 3,1 millóns de euros desde 2023 en proxectos de impulso á actividade pesqueira de Rianxo a través do FEMPA. A esta cifra súmanse máis de 3 millóns de euros adicionais investidos por Portos de Galicia.
Ademais, a Xunta prevé mellorar a operatividade do porto e das instalacións náutico-deportivas da vila, cun investimento próximo aos 3,7 millóns de euros.
