Esteiro celebra esta semana as Festas do Carmen. A xornada grande será hoxe, venres 15 agosto, festividade en Esteiro da Virxe do Carme, na que se recupera a procesión marítima con ofrenda floral aos mariñeiros. Logo celebrarase a final do Campionato de Barrios.
Haberá ruadas, orquestras, presentacións, sesión vermú e o Día do Neno o domingo 17 de agosto.
A festa comeza o xoves 14 cunha gran verbena nocturna a cargo de Discomóbil Impacto e DJ Bermúdez. Ao día seguinte haberá ruada de mañá con Agrocovo e Xeitura de Esteiro e ás 12.30 horas misa solemne na honra da Virxe do Carme cantada polo Corro Parroquial de Esteiro. A continuación celebrarase unha procesión e bailes tradicionais no adro da igrexa, seguido dunha sesión vermú co Grupo Jaque. Ás 18.00 horas celebrarase a procesión marítima acompañada pola Banda de Música de Caamaño. Ás 20.00 horas celebrarase a final do Campionato de Barrios e pola noite actuarán Jaque, Discomóbil Impacto e DJ Nian.
A xornada do sábado comezará ás 10.45 horas cun funeral polos falecidos na parroquia, cantado pola Coral Santa Mariña de Esteiro. Ás 14.00 horas haberá unha sesión vermú coa Orquestra Sinfonía. Ás 19.00 horas presentarase o libro Deportivo Esteirano na Casa da Soiedade e pola noite haberá verbena con Sinfonía e Discomóbil Super Fabric e DJ Risco.
O domingo 17 celebrarase o Día do Neno. Haberá festa da escuma entre as 17.00 e as 18.00 horas. Será de balde.
