A ondaxe de incendios forestais arrasa Galicia, Estremadura e Castela-León. O lume, que afecta a pobos e aldeas, deixa un saldo de catro vítimas mortais e obriga a suspender por sexto día consecutivo as comunicacións ferroviarias entre a Comunidade galega e Madrid. A Xunta confirma que a cifra de hectáreas arrasadas nos incendios forestais supón case un 9% da superficie da provincia de Ourense (727.000 hectáreas).
As lapas avanzan na comunidade galega e suman 18 grandes incendios activos que afectan a algo máis de 62 .000 hectáreas de terreo apòs unirse os lumes de Chandrexa de Queixa e Vilariño de Conso, o máis voraz da historia de Galicia. Segue decretado o nivel 2 de alerta para toda a provincia ourensá a causa dos incendios. De non se atallar nas vindeiras horas, poderìa ser superada a extensión acadada en 2022 polo incendio rexistrado no Courel (Lugo).
A superficie queimada en España este ano supera as 345.000 hectáreas, o que sjgnjfica a día de hoxe que 2025 sería o peor ano desde 2006.
En Galicia mantense a queixa pola que se entende como desatención ás zonas forestais por parte dos servizos contraincendios, que a Xunta contrata exclusivamente durante os tres meses de verán, deixando os montes ao seu libre albedrío os nove meses restantes, nunha etapa da historia na que menos gando pastorea ceibo nos montes e a atención que os propietarios destes lles prestan é mínima.
Xunguido a todo isto unha climatoloxía absolutamente adversa, a “fotografía” da realidade non pode ser outra: o lume.
