Galicia quedará este luns nunha situación intermedia entre as altas presións situadas ao oeste das Azores e unha profunda borrasca ao oeste de Irlanda.
A xornada comezará con abundante nube baixa e brétemas, especialmente na metade norte e oeste da comunidade. Co avance do día, os ceos tenderán a abrirse con grandes claros, mentres que no interior aparecerán nubes de evolución, aínda que sen maiores consecuencias.
En canto ás temperaturas, as mínimas experimentarán un lixeiro ascenso, mentres que as máximas descenderán levemente. O vento soprará frouxo do oeste-noroeste, virando a suroeste cara ao final da xornada.
O noso mar: Vento do norte á mañá e á noite e do noroeste á tarde, forza 1 a 3 á mañá e 2 a 3 á tarde e á noite. Mar ovellado. Visibilidade mala á mañá, regular á tarde e boa á noite. Mar de fondo do noroeste, con ondas de 0.5 a 1.5 metros á mañá e á tarde e 3.5 a 4 metros á noite.
