O Concello de Rianxo, a través do Servizo de Turismo, organiza este verán un programa de roteiros guiados por diferentes puntos de interese turístico do municipio. O programa comezará con catro itinerarios para descubrir algúns dos principais tesouros patrimoniais, paisaxísticos e naturais do concello.
-Visita ao Hórreo de Araño o 12 de xullo e o 2 de agosto.
-Roteiro polo Río Te o 19 de xullo e o 5 de agosto.
-Visita ao Castelo da Lúa o 29 de xullo e o 12 de agosto.
-Descubir o Rianxo mariñeiro o 15e o 26 de agosto.
Ademais, todos os xoves dende o 3 de xullo ata o 29 de agosto haberá visitas guiadas polo centro histórico da vila.
As saídas son gratuítas mais requírese inscrición previa a través do 690 112 469 ou mandando un correo electrónico a turismorianxo@supernova.gal.
