A 65ª edición da Romaría Viquinga de Catoira contará este sábado 2 de agosto coa contribución musical da banda muradá The Rapants, a través do apoio da Deputación de Pontevedra e encadrándose no programa provincial +Música. A actuación terá lugar na avenida da Ponte-Estación a partir das 00:00 horas e será un dos pratos fortes da programación do VikingMusic, unha actividade cultural incluída no programa da 65ª edición da Romaría Vikinga de Catoira.
The Rapants é unha das bandas máis populares do momento, cunha proposta de indie e garage que achega frescura ao panorama musical galego con temas animados e directos enérxicos. O grupo presentará en Catoira algúns dos seus temas máis populares nun espectáculo sen complexos, con moitos riffs e bailes descarados.
O concerto de The Rapants é dunha das 78 actuacións de +Música que se celebrarán entre os meses de maio e decembro nos 59 concellos de menos de 50.000 habitantes da provincia.
