Durante este mércores, Galicia verá a entrada dunha fronte pouco activa que afectará principalmente ao norte da comunidade, deixando ceos moi nubrados ou cubertos e precipitacións febles tipo orballo en zonas do norte e interior.
Nas Rías Baixas agárdase un tempo máis estable, con ceos maioritariamente despexados ou con nubes altas, especialmente nas comarcas costeiras de Arousa,Muros-Noia e Pontevedra, onde a influencia da fronte será mínima.
Descenso térmico no interior
A caída térmica será menos pronunciada na costa, onde a influencia mariña suavizará os valores.(29 graos na costa e 24 no interior)
Os ventos do norte, moderados en xeral, soprarán con forza no litoral atlántico, especialmente entre Cabo Silleiro e Corrubedo, onde se poderán rexistrar refachos destacados, o que manterá unha sensación térmica máis fresca ao longo do día.
O noso mar: Vento do norte á mañá e á tarde e do nordés á noite, forza 5 a 6 á mañá e á tarde e 5 a 7 á noite. Forte marusía. Visibilidade regular á mañá e boa á tarde e á noite. Mar de fondo do noroeste, con ondas de 1 a 2 metros á mañá, 1.5 a 2.5 metros á tarde e 2 a 2.5 metros á noite.
