En determinadas cuestións, os actuais gobernantes da Xunta de Galicia non están á altura das circunstancias. No asunto sobre a necesidade de dispoñer dun financiamento singular ou propio, como están a loitar desde Euskadi e Catalunya, a Xunta se embarra poñendo por diante os intereses partidistas por encima da dignidade dos galegos. Desde a Xunta de Galicia, critican ao gobernos vasco e catalán por defender os intereses económicos da Comunidade Autónoma, buscando o benestar dos seus cidadáns. Para iso, negociando e dialogando co goberno central.
En Galicia, tanto o presidente como os conselleiros adícanse a poñer paus nas rodas, a insultar e criticar todas as xestións do goberno central, pechando calquera porta ao diálogo. Galicia, necesita un financiamento singular e para iso hai que ser valente e decididos para lograr os obxectivos. Os vascos e catalás, demostrárono sempre, saben loitar polos seus intereses e autogoberno como pobos e os galegos pouco aprendemos diso.
Por outra banda, a Xunta de Galicia atópase poñendo molestias para acoller a un número determinados de menores migrantes non acompañados, que se atopan acinados en Canarias así como en Ceuta e Melilla. A confrontación é o seu aceno de identidade, a pesar de que estamos a falar de persoas e de menores de idade. Porqué, para a Xunta de Galicia, a solidariedade ten a cor da cara ou o pelo, se son louros e brancos, acollémolos; se son de pelo escuro e negros desprezámolos. Moi lamentable.
