Este sábado 12 de xullo vaise celebrar a XXXV edición do Festival Folclórico de Escarabote, a partir das 21.00 horas, no porto da dita vila mariñeira. A cita, unha reivindicación da música, o baile e a cultura tradicionais da nosa terra, será organizada pola AC Pedra da Aroña e coa participación de Nunca é Tarde.
A AC Pedra da Aroña é unha asociación histórica de Boiro, con preto de catro décadas de historia ás súas costas e cunha cifra de integrantes que xa superou o centenar de persoas. O seu principal obxectivo é potenciar e manter viva a música e o baile tradicional, ao tempo que se reivindica canteira local.
