O Concello de Rianxo recibiu da Consellería de Presidencia, Xustiza e Deportes da Xunta de Galicia unha subvención por importe de aproximadamente 11.400€ euros para o co-financiamento do servizo de vixilancia e salvamento nas praias durante a tempada de verán. “Desta maneira poderáselle dar continuidade, durante os meses de xullo e agosto, ao servizo posto en funcionamento a tempada pasada polo Executivo local”, explicaron fontes do Consistorio, engadindo que as tres praias rianxeiras (A Torre, As Cunchas e Tanxil) incluídas no Rexistro de Augas de Baño de Galicia foron cualificadas polo Servizo Galego de Saúde como de calidade excelente.
