O Concello de Rianxo organiza unha ampla programación de actividades deportivas para os meses de xullo e agosto. O tenente de alcalde e concelleiro de Deportes, Julio Alcalde, presentou esta semana o programa de actividades que comezarán o 1 de xullo con diversas modalidades e para todas as idades. Haberá tenis, patinaxe, fútbol sala ou multifitness. Estas, sinalou o concelleiro, son só algunhas das actividades que se impartirán durante este verán, achegando “unha ampla oferta que ademais desenvólvese en diferentes parroquias do municipio”, destacou Alcalde, engadindo que quen precise máis información ou formalizar as inscricións pode facelo no Servizo de Deportes (Cuartel Vello) ou a través da páxina web municipal.
