Máis dun cento de persoas participaron na noite do venres 20 de xuño nun concerto ofrecido pola Banda Municipal de Lousame e alumnado da orquestra, banda e coro do Conservatorio Profesional “Felipe Paz Carbajal” de Noia.
A actuación tivo lugar na praza Teodomiro Hidalgo de Lousame, organizado pola Asociación Cultural Prudencio Romo en colaboración co Concello de Lousame.
Durante algo máis dunha hora, lousamiás e noieses actuaron de forma conxunta, interpretando distintas pezas como Lenda de Maracaibo, Alborada, Negra Sombra, Of castles and legends ou a Muiñeira dos Pendellos.
O acto estivo presidido pola presidenta da Asociación Cultural Prudencio Romo, Isabel Molares, e a alcaldesa lousamiá, Teresa Villaverde. E é que, unha vez rematada a sesión plenaria extraordinaria, os concelleiros do Equipo de Goberno e do PSOE sumáronse ao concerto.
