O alcalde de Boiro, José Ramón Romero, e o concelleiro de Comercio, Formación e Emprego, Roberto Lojo, realizaron na maña deste 10 de xuño unha visita ao alumnado da modalidade de forestal o Obradoiro de Emprego Torre Goiáns IV que está a desenvolver tarefas de roza e acondicionamento da zona do Castro, en Cabo de Cruz.
O obradoiro que se está a desenvolver ten unha duración de 9 meses e nel fórmanse 20 alumnos/as traballadores nas especialidades de Instalación en elementos de carpintería e Repoboacións forestais e tratamentos silvícolas. O alumnado conta cun contrato de traballo para formación e aprendizaxe a tempo completo de 40 horas semanais mediante o que se forma de xeito teórico e tamén práctico.
Durante o desenvolvemento das actividades formativas o alumnado desenvolve tarefas de mantemento e conservación e diversos puntos como é o percorrido do Camiño A Orixe, cerramentos de madeira e pasarelas, consolidación de frondosas, mellora das faixas contra incendios…
Para levar a cabo o Obradoiro de Emprego Torre Goiáns IV, o Concello de Boiro recibe da Consellería de Emprego, Comercio e Emigración da Xunta de Galicia unha subvención por importe de 411.628 euros para desenvolver talleres duais de emprego.
