Este martes, as Rías Baixas deixarán de estar baixo a influencia do anticiclón debido á chegada dunha fronte pouco activa polo noroeste peninsular. A xornada estará marcada pola presenza de nubes medias e altas, que permitirán aínda así momentos de sol ao longo do día.
Co avance das horas, o céu cubrirase progresivamente, especialmente nas zonas costeiras e no interior occidental da comarca, e non se descartan precipitacións febles durante a noite, sobre todo na franxa atlántica e na metade norte.
As temperaturas mínimas descenderán lixeiramente, mentres que as máximas se manterán sen cambios significativos (11/24 graos) . O vento soprará frouxo do suroeste, aínda que poderá acadar intensidade moderada no litoral. Ao final do día, rolará a noroeste, marcando o cambio de situación meteorolóxica.
A pesar do aumento da nubosidade, será unha xornada aínda relativamente tranquila nas Rías Baixas, antes da posible chegada de máis inestabilidade nos días seguintes.
O noso mar: Vento do norte á mañá, do noroeste á tarde e do noroeste á noite, forza 4 a 5 á mañá, 3 a 4 á tarde e 2 a 3 á noite. Forte marusía á mañá, marusía á tarde e mar ovellado á noite. Visibilidade boa á mañá e á tarde e mala á noite. Mar de fondo do noroeste, con ondas de 0.5 a 1.5 metros.
