A alcaldesa de Muros, María Lago, e a concelleira de Ensino, Laura Rivadeneira, acompañaron este venres 20 de xuño ao alumnado do IV Ciclo Universitario da Universidade de Santiago (Camiños de Coñecemento e Experiencia) ao acto de clausura e entrega de diplomas, que se celebrou na Facultade de Dereito do campus compostelán.
“Para o concello, é moi importante que as persoas maiores teñan a oportunidade de acceder a actividades de índole formativa, máis alá dos tradicionais obradoiros”, asegurou a alcaldesa de Muros, María Lago.
Pola súa banda Laura Rivadeneira apuntou pola súa parte “a importancia que ten o cuarto ciclo para acercar a universidade ás vilas como Muros”.
O programa formativo achegou aos maiores de Muros un obradoiro sobre poda de árbores froiteiras, forestais e ornamentais, e relatorios arredor da sustentabilidade alimentaria e a alfabetización audiovisual. Participou arredor de medio de cento de veciñas e veciños.
