A Xunta activa unha nova edición dos Bonos Activa Comercio con descontos de ata 30 euros
O Consello da Xunta vén de aprobar unha nova edición dos Bonos Activa Comercio, unha iniciativa destinada a incentivar o consumo no pequeno comercio de proximidade. Os bonos estarán dispoñibles desde este mércores e permitirán a cada consumidor obter un desconto de ata 30 euros nas súas compras.
A previsión do Goberno galego é mobilizar 8,5 millóns de euros en vendas grazas a esta campaña, cun investimento público de 2,5 millóns de euros. Os bonos deberán empregarse directamente no momento da compra no establecemento, polo que non serán válidos en vales nin tarxetas agasallo.
Os descontos estarán dispoñibles ata que se esgote o orzamento total, polo que, mesmo se os bonos están descargados, non se poderán usar unha vez consumidos os fondos previstos.
Con esta medida, a Xunta pretende apoiar ao comercio local e estimular a economía en sectores especialmente sensibles á evolución do consumo
interno.
