O Concello de Porto do Son informou esta semana de novos traballos realizados nas parroquias co obxectivo de mellorar os servizos básicos para a veciñanza e avanzar en accesibilidade, mobilidade e seguridade viaria.
Unha das frontes de traballo focalizouse na parroquia de Xuño, onde se levaron a cabo obras de recollida de pluviais, no lugar de Sieira.
Ademais, os operarios municipais tamén procederon a acondicionar a rede viaria dos núcleos de Coviña, en Noal, en Tores e en Quintáns.
A maiores o Concello levou a cabo traballos de acondicionamento e posta a punto na pasarela de madeira da praia das Furnas, en Xuño.
