Esta fin de semana, o sábado 21 e o domingo 22 de xuño celebrarase a nova edición (a décima) da xa histórica proba Os 100 do Barbanza, a andaina-ultratrail de 100 quilómetros que percorre os sete concellos da península do Barbanza.
A saída será ás 16 horas do 21 de xuño na Pobra do Caramiñal dende o Pavillón Municipal de Venecia, para continuar por Boiro, Rianxo, Lousame, Noia, Porto do Son e Ribeira, antes de regresar ao municipio anfitrión. Organizada polo Club Deportivo International Trekkers Barbanza Sar (ITBS), esta é unha proba non competitiva de sendeirismo e ultratrail, na que as e os participantes deberán completar os 100 km nun máximo de 24 horas.
Haberá principalmente deportistas procedentes das nosas catro provinciais, pero tamén dende Cataluña, que é, despois de Galicia, a Comunidade que máis trekkers aporta. O rango de idades é ben amplo: dende os 21 até os 79.
A proba demostrou novamente, neste edición, ser unha cita de gran interese para os afeccionados a camiñar e correr no monte. De feito, en só 10 días, dende que se abriron as inscricións a comezos do ano, esgotáronse os 300 dorsais da décima edición.
