O pasado sábado 7 de xuño disputouse nas augas da enseada de Rianxo a primeira proba da XXIV Regata Concello de Rianxo Trofeo Elidente. Desde o principio da proba estableceuse un vento do suroeste que se mantivo oscilando entre os 7 e 12 nós de intensidade, o que permitiu ao comité de regatas dar a saída á hora prevista e expor un vistoso percorrido de 18 millas, consistente nun desmarque ao vento para logo dirixirse en rumbo de cinguida cara á boia do Seixo, Ter, Aurora, Moscardiño, Aurora e chegada no Seixo.
Na clase ORC A, o triunfo foi para o Siradella, de César Álvarez (CN Portosin) que non deu opcións aos seus rivais, seguido polo Galopín de Manuel Franco (CND Ribeira), sendo a terceira praza para o Chispetrén de Jesús Iglesias (CN Arousa Norte).
Na clase ORC B o Peperetes-Nortemar de José Manuel Millán Armas (RCR Galicia) fíxose coa primeira posición desde o inicio da proba, posición que non abandonou durante todo o percorrido. En segunda posición o Arpón IV de Iñaqui Carbajo (CN Beluso), que navegou sempre preto do Youkounkoun de Adolfo Castro (C.N. Portonovo), fíxose coa segunda praza, seguido polo Youkounkoun, o Ráfagas II de José Carreira (CN Rianxo) e o Alpha de Manuel Nieto González (CN Arousa Norte).
Na clase ORC C, triunfo incontestable para o Fixius, de Miguel Pérez-Lafuente (RCR Galicia) seguido do Piolín de Manuel Castro-Gil (CN. Arousa Norte) e o Salut de José Ignacio Salgado (CN Indepe. Galicia).
Despois de disputarse a primeira proba e na espera da segunda, que está prevista para o vindeiro sábado 14 de xuño, a clasificación provisional do trofeo queda en cada clase, da seguinte maneira:
CLASE A 1º
Siradella César Álvarez
2º Galopin Manuel Franco
3º Chispetrén Jesús Iglesias
CLASE B
1º Peperetes-Nortemar José Manuel Millán Armas
2º Arpón IV Iñaqui Carbajo
3º Youkounkoun Adolfo Castro
CLASE C
1º Fixius Miguel Pérez do R.C.R. Galicia
2º Piolín Manuel Castro-Gil
3º Salut José Ignacio Salgado
