A Asociación A Creba, entidade do Barbanza e e Muros e Noia centrada na inclusión e na desestigmatización das persoas que padecen doenzas e trastornos relacionados coa saúde mental, vén de comunicar que recibiu da Deputación de A Coruña dúas subvencións dun total de 56.220.67 euros, destinadas a “seguir mellorando tanto as súas instalacións como o mantemento do centro”.
Segundo explican dende a directiva da asociación, unha das axudas de 48.088.53 euros vai ser destinada a actuacións de mantemento do Centro de Rehabilitación Psicosocial e Laboral que a entidade ten en Noia. A segunda, por valor de 8.132,14 euros será empregada na mellora do acondicionamento e equipamento das instalacións do Centro de Rehabilitación Psicosocial e Laboral que a entidade ten en Ribeira.
Grazas a axudas como esta, en A Creba “podemos seguir dando pasos para mellorar a atención a persoas usuarias e así mellorar a súa calidade de vida”, explican.
