A inestabilidade atmosférica comeza a remitir nas Rías Baixas tras varios días marcados pola presenza de chuvias e ceos cubertos. Segundo a previsión meteorolóxica, para as próximas horas espérase unha melloría xeral das condicións.
As temperaturas mínimas manteranse sen cambios significativos, mentres que as máximas experimentarán un lixeiro ascenso, favorecendo unha sensación térmica máis agradable ao longo do día, sobre todo na comarca (8/23 graos).
En canto ao vento, predominarán os ventos do nordés, frouxos no interior da provincia e moderados nas áreas costeiras. Esta situación contribuirá a unha maior sensación de frescor na liña do mar, especialmente durante as primeiras horas do día e ao solpor.
O noso mar: Vento do norte á mañá, do noroeste á tarde e do nordés á noite, forza 3 a 4 á mañá e á noite e 4 a 6 á tarde. Marusía á mañá e á noite e forte marusía á tarde. Visibilidade boa. Mar de fondo do noroeste, con ondas de 1 a 1.5 metros á mañá e 1.5 a 2 metros á tarde e á noite.
