O escritor Manuel Losada, fincado en Boiro e alcumado pola crítica como o Stephen King galego polo seu dominio do suspense e o terror, foi galardoado na súa terra co Primeiro Premio de Relato en Galego, organizado por Mesa dás Verbas, en colaboración coa Xunta de Galicia e o Centro Comercial de Vilagarcía.
Aínda que este é o noveno premio literario na traxectoria do autor, trátase do primeiro que recibe en Galicia, e o primeiro que premia unha obra escrita na súa lingua natal, o galego. “Publico en castelán, son lido en varios países, pero este premio ten un significado profundamente persoal: e volver á casa pola porta grande”, declarou emocionado durante a entrega.
O acto de premiación, celebrado en Vilagarcía, reuniu a un numeroso público e estivo marcado por unha alta calidade literaria entre os finalistas. O autor non dubidou en felicitar aos seus compañeiros galardoados co segundo e terceiro premio, e destacou o nivel dos relatos presentados, todos eles escritos en galego, “unha lingua que é cultura, emoción e resistencia”.
O relato premiado, cuxa trama non foi aínda desvelada para preservar o seu impacto en próximas publicacións, foi descrito polo xurado como “poderoso, inquietante e profundamente galego, tanto pola súa temática como polo seu estilo narrativo”.
“Triunfar en casa, aínda que sexa só unha vez na vida, é unha débeda saldada coa miña eu de neno que escribía en cadernos mentres chovía sobre as rías”, concluíu o autor, que promete seguir apostando pola lingua galega nalgúns dos seus futuros traballos.
Este recoñecemento reforza a importancia dos premios literarios rexionais como impulsores de talento local e gardiáns das linguas minorizadas. Galicia ten historias que contar, e escritores como Losada son a proba de que poden conquistar ao mundo sen renunciar ás súas raíces.
