No marco do Maio Cultural de Aguiño organizado pola Asociación Francisco Lorenzo Mariño, con sede en Aguiño, celebrouse dentro e fóra do Conservatorio da parroquia o Día das Letras Galegas dende as 16:30 ata as 21 h.
Desenvolveuse unha ampla axenda de actividades para que participasen e se implicasen veciñas e veciños de todas as idades: houbo inchábeis, música, xogos tradicionais, visita de mascotas animadas, xornada de debuxo infantil alusiva ao día das Letras, auga e refrescos gratuítos para os asistentes, etc.
Preto dun milleiro de persoas acudiron ás actividades ao longo da tarde (de 16:30 a 21 h), na súa maioría nenas e nenos de todas as idades. Recibiron un agasallo que consistiu nunha mochila serigrafada cun motivo alusivo ás cantareiras co logo da asociación e uns caramelos.
Tamén se celebrou un sorteo de 10 lotes de libros en galego entre todos os participantes na xornada de debuxo. O sorteo realizouse ao final das actividades por parte do vicepresidente da entidade, Unai González Suárez acompañado de toda a directiva participou do evento con distintas tarefas, Moncha, Pepita, José Luis, Sara, Teruca, Carmencita, Pili, Rosa, Sara e Maria Dolores.
Ás 19 h comezou a actuación das cantareiras infantís e xuvenís de Bailadela de Ribeira e despois das cantareiras As Sete Linguas da AFLM de Aguiño.
Rematouse co espectáculo de malabares de Kote, Cirkote, que con lume, aros, diábolo, bolas, paus, etc e moito humor fixo as delicias do público asistente.
As actividades contaron en todo momento con ambientación musical de cantareiras en galego e celebrouse dentro e fora do conservatorio de Aguiño.
Foi organizado pola Asociación Francisco Lorenzo Mariño de Aguiño en colaboración co Concello de Ribeira, a Deputación da Coruña e as empresas Conresa, Digar de artes, farmacia Mariño de Aguiño, Fripusa, Fabri barbanza e Combustibles Puebla.
