Este sábado permaneceremos baixo a influencia das baixas presións, o que traerá aire frío en altura e, consecuentemente, unha notable inestabilidade atmosférica. O ceo presentarase con intervalos de nubes e darase lugar a chuvascos que poderán ser localmente treboentos e vir acompañados de sarabia, sendo máis frecuentes e intensos durante a tarde.
As temperaturas experimentarán un lixeiro descenso en comparación cos días anteriores (9/18 graos). Os ventos soprarán do norte-noroeste, sendo frouxos no interior e moderados na zona costeira.
Fontes meteorolóxicas sinalan que a inestabilidade podería continuar nos próximos días.
O noso mar: Vento variable á mañá e do noroeste á tarde e á noite, forza 2 a 3 á mañá, 4 a 6 á tarde e 3 a 5 á noite. Mar ovellado á mañá e á tarde e marusía á noite. Visibilidade regular. Mar de fondo do oeste á mañá e noroeste á tarde e á noite, con ondas de 0 a 1 metros.
