Os bombeiros do parque provincial de Ribeira foron requiridos ás 12 da mañá deste xoves na rúa Manzanares, no concello de Ribeira, por unha fuga de gas nunha tubaxe despois de que esta rompera polo impacto dun vehículo.
Foi o 112 quen deu o aviso despois de que a Policía Local de Ribeira solicitara a intervención dos bombeiros para parar a fuga de gas. Así, unha vez no lugar dos feitos, a dotación de profesionais procedeu ao peche e balizado da válvula tras as medicións negativas.
Os bombeiros retíranse do lugar solicitando ao 112 a presencia dun técnico da compañía.
