O Museo do Gravado de Artes (Ribeira), no marco das celebracións do Día das Artes Galegas 2025, adicado a Isaac Díaz Pardo, vai celebrar este xoves 8 de maio unha conferencia centrada no devandito artista galego: Isaac Díaz Pardo. Memoria do Compromiso.
A sesión será impartida por Xosé Ramón Fandiño e está previsto que se desenvolva a partir das 20.00 horas na sala 1 do Museo do Gravado. Haberá servizo de transporte gratuíto dende Ribeira, con saída ás 19.00 horas e regreso ás 21.00 horas. As reservas para o autobús cómpre facelas a través da conta normalizacion@ribeira.gal.
Com dixemos, o Día das Artes Galegas (1 de abril) homenaxeou este ano unha das persoas que máis traballou pola cultura galega no século XX, desde unha perspectiva comprometida e con afán transformador. Xosé Ramón Fandiño, escritor, investigador e membro do padroado do Museo do Pobo Galego, achegarase á súa figura.
