Este domingo manterase a tónica de inestabilidade. Pola mañá, agárdanse ceos cubertos con nubosidade media e alta, sen precipitacións destacables. Será pola tarde cando a situación meteorolóxica se complique, coa aparición de chuvascos, nalgúns casos acompañados de tormenta.
As temperaturas mínimas subirán lixeiramente, mentres que as máximas se manterán ou baixarán levemente, dependendo da zona (15/25) graos. Os ventos do sur soprarán con intensidade moderada, o que pode alterar a sensación térmica ao longo do día.
O noso mar; Vento do sur á mañá, do sudoeste á tarde e do sur á noite, forza 3 a 5 á mañá e á tarde e 2 a 3 á noite. Marusía á mañá e á tarde e mar ovellado á noite. Visibilidade boa. Mar de fondo do noroeste, con ondas de 0.5 a 1.5 metros á mañá e á tarde e 0.5 a 1 metros á noite.
