O Concello de Rois abre o prazo de inscrición para participar na excursión á Feira Semana Verde de Silleda, que será o vindeiro sábado 7 de xuño. A actividade está dirixida ás persoas empadroadas no municipio e desenvolverase ao longo de todo o día.
A excursión, totalmente gratuíta para as persoas inscritas, inclúe o desprazamento en autobús e o seguro de viaxe. Trátase dunha oportunidade para desfrutar dunha das feiras máis emblemáticas de Galicia, que reúne cada ano centos de expositores e actividades arredor da gandería, a agricultura, o turismo, a gastronomía e o mundo rural.
As prazas son limitadas e o prazo para inscribirse estará aberto do 23 de maio ao 4 de xuño, ben por correo electrónico, escribindo a inscricions@rois.gal, ou por teléfono, chamando ao 981 816 061.
O Concello de Rois resérvase o dereito a suspender a excursión no caso de non acadar un número mínimo de inscricións.
