O Concello de Rianxo ofrece novamente dúas actividades sobre ciberseguridade e videoxogos aos centros escolares de ensino primario do municipio. Grazas ás sesións previstas de divulgación, as crianzas poderán aprender as bases da creación de videoxogos, en palabra da organización “unha das pólas da industria cultural de máis éxito na actualidade”. A través desta formación, os escolares terán a oportunidade de crearen o seu propio produto gamer.
Por outra banda, aprenderán sobre os perigos derivados dun uso non axeitado das Tecnoloxías da Información e a Comunicación (as TIC) dunha forma amena a través da historia dos videoxogos.
Esta semana o programa visitará CEIP Ana María Diéguez de Asados, e a vindeira semana, a partir do 12 de maio, será a quenda do CEP Brea Segade de Taragoña.
