O Concello de Boiro ofrece un novo programa de visitas teatralizadas para coñecer a historia do Pazo de Goiáns de man dos Quinquilláns, que se levarán a cabo nos meses de maio e xuño. Estas visitas, que se veñen realizando na época estival, teñen como finalidade coñecer o noso patrimonio e a historia de Goiáns a través das personaxes que o habitaron.
As visitas desenvolveranse os días 30 de maio ás 20.00 horas, o 8 de xuño ás 16.00 horas e o 26 de xuño ás 20.00 horas. Para participar é necesario inscribirse previamente na Casa da Cultura de Boiro ou no 981 84 84 25.
