Cada oito horas unha muller é violada en España. Máis dun milleiro de mulleres son violadas por homes, cada ano. Demasiadas mulleres son asasinadas a mans dos seus maridos ou parellas. Segundo o INE (Instituto Nacional de Estatística)e o CGPJ (Consejo General del Poder Judicial) aumentan os delitos de violencia doméstica e as violacións. Esta é a sociedade que xeramos, entre todos? Esta é a sociedade que queremos para os nosos fillos? Que facemos, cada un de nós, para evitar esta constante sangría que non cesa?
Dicía Luther King que “non me preocupa o berro dos violentos, dos corruptos, dos deshonestos, dos sen ética, o que máis me preocupa é o silencio dos bos”. Isto non pode quedarse en meras estatísticas e todos, polo menos as persoas de ben, teñen que loitar para denunciar este tipo de terrorismo que seguen exercendo, sen ningún tipo de arrepentimento, persoas “machistas e enfermas” que foron malcriados polas súas propias nais e a súa contorna familiar.
Algúns “fillos do azar” non entenden que o “non” dunha muller é non e non un quizais. Crense que teñen dereito sobre a libre vontade de calquera muller. As súas únicas conversas, cada un dos días do ano, son falar de sexo e máis sexo. Non son cabezas cadradas, son cerebros enfermos e violentos contra o chamado sexo débil. Iso é o que lle inculcaron desde pequenos. Xa, na súa primeira relación sexual, levaron os seus pais de putas e con iso xa aprendían que con diñeiro todo se consegue. Para eles a vontade de calquera muller non existe, só priman os seus desexos máis primitivos. As mulleres seguen sendo os seus obxectos de desexo, previo pago.
