Este mércores os ceos iranse abrindo, dando paso a grandes claros que permitirán unha mellora das condicións meteorolóxicas. Porén, cara á noite agárdase un novo incremento da nubosidade baixa.
As temperaturas manteranse sen cambios significativos, aínda que se poderán rexistrar lixeiros descensos nos valores mínimos subindo lixeiramente as máximas (12 /25 graos).
En canto ao vento, soprará de compoñente norte, frouxo nas primeiras horas do día, pero irá aumentando de intensidade pola tarde, con intervalos fortes no litoral das Rías Baixas.
O noso mar: Vento do norte á mañá e á noite e do noroeste á tarde, forza 3 a 4 á mañá, 4 a 5 á tarde e 4 a 6 á noite. Marusía á mañá e forte marusía á tarde e á noite. Visibilidade boa. Mar de fondo do noroeste, con ondas de 0.5 a 1 metros á mañá, 0.5 a 1.5 metros á tarde e 1 a 1.5 metros á noite.
