O luns agárdase unha xornada de transición na que as baixas presións iranse movendo cara ó leste, afastándose de Galicia. Teremos ceos parcialmente nubrados con chuvascos ocasionais, en xeral febles, que irán remitindo de cara á noite. As temperaturas mínimas sen cambios, máximas en descenso notable. O vento soprará de compoñente oeste frouxo.
O noso mar: Vento do sur á mañá, do sudoeste á tarde e variable á noite, forza 2 a 3 á mañá e á tarde e 1 a 2 á noite. Mar ovellado á mañá e á tarde e mar rizado á noite. Visibilidade boa. Mar de fondo do noroeste, con ondas de 0.5 a 1 metros.
