Familias da UPA reuníronse novamente convocadas polo Equipo de Pastoral Familiar de Noia nunha xornada formativa en torno ao tema «A oración familiar». O encontro desenvolveuse nos locais parroquiais da igrexa de San Martín. A convocatoria realizouse tras o encontro de marzo, celebrado tamén nos locais da igrexa de San Martín de Noia.
Neste encontro, participaron familias de distintos puntos da UPA: S.Marín, Tállara, S.Francisco e Sta.Cristina. A experiencia fué moi enriquecedora, segundo os participante e organizadores.
Durante a mesma, houbo testemuños de experiencia de vida en oración por parte de membros do Equipo de Pastoral e tamén talleres de traballo por grupos. Neles reflexionouse con materiais extraídos destes testemuños e de escritos do maxisterio pontificio acerca da experiencia da oración. Cada un compartiu sobre a oración, persoal e en familia.
Os nenos e os seus monitores, sorprenderon aos participantes no encontro coa representación dunha obra de teatro que prepararon, baseada no conto «O relojero» de Mamerto Menapace, tamén sobre a oración.
Ao final do encontro, todos os participantes gozaron dunha merenda en fraternidade, compartindo emocións e impresións.
O Equipo de Pastoral Familiar da UPA de Noia convocará, tanto ás familias que xa participaron, como a todas as familias das parroquias da UPA, a un novo encontro despois do verán.
