Este luns, Galicia volverá a estar baixo a influencia dun anticiclón, o que favorecerá unha mellora xeral do tempo. Durante as primeiras horas da xornada agárdanse nubes baixas e néboas, especialmente en zonas do interior, que irán desaparecendo co paso das horas para dar lugar a ceos pouco nubrados ou despexados en todo o territorio.
En canto ás temperaturas, as mínimas descenderán lixeiramente, mentres que as máximas permanecerán sen cambios significativos, con posibles lixeiros ascensos nalgunhas comarcas.(11/26 graos).
O vento soprará frouxo de compoñente norte, con intervalos de moderado no litoral das Rías Baixas, contribuíndo a manter unha sensación térmica agradable en boa parte da comunidade.
Prognóstico a dez dias: Tempo seco e soleado_
O noso mar: Vento do norte á mañá e á noite e do norte á tarde, forza 4 a 5 á mañá e á noite e 4 a 6 á tarde. Forte marusía. Visibilidade boa. Mar de fondo do noroeste, con ondas de 2 a 2.5 metros á mañá e á tarde e 2.5 a 3 metros á noite.
