O vindeiro mércores 28 de maio ás 9:00 h comezará a venda simultánea de entradas para os dous vindeiros monólogos no Auditorio Municipal de Ribeira, achegados por Eva y Qué? (A por el bote, o 20 de xuño ás 21.30 horas) e Oswaldo Digón (Outra movida, o 27 de xuño ás 21.15 horas).
A venda de entradas será de xeito presencial na OAC da Casa do Concello e de xeito paralelo tamén será posíbel mercalas en liña en Ataquilla.com.
O espectáculo de Eva terá un custe de 14 € máis gastos de xestión e o de Oswaldo terá un prezo de 12€ + gastos de xestión.
O de Oswaldo Digón está organizado por Espectáculos A Cantaruxa e a Concellería de Cultura de Ribeira que dirixe Antía Alberte.
O de Eva y Qué? está organizado pola empresa local Funcando Eventos e a Concellería de Cultura de Ribeira (unha nova empresa local de eventos que se suma a A Curotiña, Aquelarre, A Cantaruxa).
