Durante o domingo, as altas presións iranse retirando cara ao interior da Península Ibérica, o que provocará un cambio na situación meteorolóxica en Galicia. Segundo MeteoGalicia, agárdase máis nubosidade na metade norte, con algunha chuvia feble, mentres que o sur manterá ceos máis abertos.
Nas Rías Baixas experimentarán un cambio nas condicións meteorolóxicas, marcado por un descenso das temperaturas e un aumento da nebulosidade.(15/27 graos).
As temperaturas descenderán de forma notable, especialmente nas zonas do interior, marcando un contraste co tempo máis cálido dos días anteriores.
O vento soprará do norte-nordés con intensidade moderada, e refachos fortes afectarán á franxa atlántica durante a tarde, polo que se recomenda precaución nas zonas costeiras.
O noso mar; Atención para domingo 01: Vento do norte forza 7 en mar aberto entre Louro e Silleiro.
