A inestabilidade meteorolóxica continuará este domingo en Galicia, baixo a influencia das baixas presións situadas ao norte da península. Espérase unha xornada de ceos maioritariamente nubrados, con precipitacións máis frecuentes e intensas na metade norte da comunidade, que tenderán a remitir a medida que avance o día.
As temperaturas mínimas experimentarán un lixeiro descenso, mentres que as máximas se manterán sen cambios significativos respecto aos días anteriores ( 8/16 graos) . Os ventos soprarán do oeste-noroeste, con intervalos de intensidade moderada, especialmente nas zonas costeiras.
Prognóstico para dúas semanas: A previsión meteorolóxica para a cormarca indica unha semana marcada por ceos cambiantes e unha moderada variación nas temperaturas. Segundo os últimos datos, os primeiros días estarán caracterizados por períodos de chuvia e claros, mentres que a partir do xoves aumentará a estabilidade e predominarán ceos despexados.
As temperaturas máximas oscilarán entre os 14°C e os 23°C, mentres que as mínimas situaranse entre os 10°C e os 15°C. O venres, día 16, será o máis cálido, alcanzando os 23°C, mentres que os primeiros días da semana manterán valores máis frescos.
A probabilidade de precipitación será maior ao inicio da semana, chegando a un 85% o luns, pero diminuirá progresivamente ata quedar en valores mínimos cara ao fin de semana. Os ventos soprarán con intensidade variable, favorecendo o descenso das temperaturas nocturnas.
O noso mar: Vento do noroeste á mañá, do noroeste á tarde e do oeste á noite, forza 3 a 5 á mañá e 2 a 3 á tarde e á noite. Forte marusía á mañá e mar ovellado á tarde e á noite. Visibilidade regular. Mar de fondo do noroeste, con ondas de 1 a 1.5 metros á mañá e 1.5 a 2 metros á tarde e á noite.
