Rescatan dous pescadores tras o incendio do seu barco en Muros
A, Luaces.- O pesqueiro de artes menores “Nuevo Mariño”, con base en Fisterra e pertencente ao pósito fisterrán, afundiu a primeiras horas desta mañá a aproximadamante tres millas da costa de Louro (Muros). Previamente ao afundimento, o “Nuevo Mariño” foi axudado pola embarcación “La Chaínza”, que faenaba perto do buque siniestrado e que foi quen solicitou a intervención dunha lancha de Salvamento Marítimo. Este desprazou ao punto do sinistro, a unhas tres millas de Porto do Son. á embarcación “Salvamar Régulos” para se facer cargo dos dous tripulantes do pesqueiro sinistrado, irmáns xemelgos que resultaron con queimaduras na faciana e mans, e trasladalos nunha ambulancia dende Porto do Son ao Hospital do Barbanza, de Ribeira.
Malia o intenso traballo realizado para apagar o lume que afectou á estrutura do “Nuevo Mariña”, este afundiu, como se indica, a tres millas da costa.
Ata o de agora nada se informou sobre a causa do incendio a bordo do “Nuevo Mariña”, barco que inicialmente tivera base en Porto do Son para trasldar esta máis tarde a Fisterra-
